THE PRINCIPAL SUSPECT
Sa pagganap nina Kristoffer Martin, Elle Ramirez at Dindo Arroyo
July 2, 2022 Sabado 4:45pm pagkatapos ng Wish Ko Lang
Sa isang paaralan, binalot ng karahasan at kahalayan. Paano ito tuluyang mabubunyag?
Sa cellphone video na kuha ng isa sa mga guro sa isang paaralan sa bayan ng Hinoba-an, Negros Occidental, maririnig ang pagpapaputok ng baril ng isang lalaki. Nang matapos ang putukan, tatlong tao ang magkakahiwalay na natagpuang wala nang buhay. Unang nakita ang bangkay ng principal ng paaralan na si Warren Escosar. Ilang metro ang layo mula sa principal, nakita naman ang katawan ni Christopher Arroy. Sa loob naman ng isang silid-aralan, natagpuan namang wala na ring buhay ang asawa ni Christoper na si Almariza Arroy, isang guro sa nasabing paaralan.
Sa inilabas na resulta ng post mortem report ng Municipal Health Office ng Hinoba-an, lumabas na dalawang tama ng bala ang naging sanhi ng pagkamatay ni Christopher habang apat na tama ng bala naman ang tinamo ni Almariza. Isang tama naman ng bala sa bibig naman ang nakita kay Warren.
Ano ang ugat ng krimeng ito?
Tutukan ang mga detalye sa kasong ito sa pagganap nina Kristoffer Martin, Elle Ramirez at Dindo Arroyo sa Imbestigador ngayong July 2, 2022, Sabado 4:45 ng hapon pagkatapos ng Wish Ko Lang sa GMA.
‘The Principal Suspect”, sisiyasatin sa ‘Imbestigador’
Source: Philipines News Journal
0 comments :
Post a Comment