SIGALOT SA AFGHANISTAN
Matapos ang 20 taon, muling napasakamay ng mga Taliban ang kapangyarihan sa Afghanistan kasunod ng unit-unting pag-alis ng mga puwersa ng Amerika sa kanilang bansa. Nagdala ito ng takot at pangamba sa mga Afghan na agad sumugod sa kanilang airport sa pag-asang matakasan ang inaasahan nilang madilim na yugto ng bansa. Nakausap ni JP Soriano ang ilan sa mga OFW na nagnanais na ring umalis ng Afghanistan para sa kanilang kaligtasan.
I DO, I DO, I DO, I DO
Hindi lang isa, dalawa, o tatlo, kundi apat na beses nang kinasal ang mag-asawang Marvin at Valerie sa loob ng 20 taon nilang pagsasama. Tulad ng pangkaraniwang mister at misis, madalas din silang magkaroon ng mga hindi pagkakaunawaan na talaga namang sumubok sa kanilang relasyon. Pero sa kabila nito, nananaig pa rin sa huli ang kanilang pagmamahalan sa isa’t isa, na kanila pag mas pinagtitibay sa pamamagitan ng sumpaan sa harap ng dambana. Humanga si Kara David sa matatag na love story nina Marvin at Valerie.
SINIGANG PA MORE!
Mainit na sabaw ang tiyak na makapagbibigay sa atin ng masarap na pakiramdam tuwing malamig o maulan ang panahon. At sa lahat ng sabaw na pinaka-panalo sa lahat — ang nakakakilig sa asim na sinigang! Ayon kasi sa international food database na Taste Atlas, ang maasim pero malinamnam na sabaw ng sinigang ang nakakuha ng pinakamataas na rating sa lahat ng vegetable soups sa kanilang listahan! Iba’t ibang sinigang recipes with a twist ang tinikman ni Lala Roque!
Samahan ang premyadong mamamahayag at laking-Brigada Siete na si Kara David sa pagtutok sa mga bagong kwento’t bagong karanasan at sa patuloy na pagbabantay sa mga isyu ng bayan kasama ang bagong henerasyon ng mga mamamahayag ngayong Sabado, 9:50 ng gabi, sa iisang Brigada sa GTV.
0 comments :
Post a Comment